Túrkııanyń Sýrých qalasynda terakt jasaǵan qylmyskerdiń kim ekeni anyqtaldy
ASTANA. QazAqparat - Túrkııa Premer-mınıstri Ahmet Davýtoglý dúısenbi kúni Sırııamen shekaradaǵy Sýrých qalasynda jarylys uıymdastyrǵan adamnyń kim ekenin bılik anyqtaǵanyn málimdedi, dep jazady Bı-bı-sı.
Davýtoglýdyń sózine qaraǵanda, qazir quqyq qorǵaý organdary jarylysqa taǵy kim qatysty bolýy múmkin ekenin qarastyryp jatyr.
Túrkııa bıligi sońǵy derekter boıynsha 32 adam japa shekken Sırııamen shekaradaǵy Sýrých qalasyndaǵy jarylysty DAISh («Islam memleketi») ekstremıstik tobynyń múshesi uıymdastyrdy dep boljap otyr.
Jarylys Sırııa aýmaǵyndaǵy Kobanı qalasyna attanbaq bolǵan jastar uıymdarynyń belsendilerine qarsy jasalǵan bolýy múmkin.
