Túrkııanyń «Solotúrk» pılotaj toby «KADEX - 2018» kórmesinde avıashoý ótkizbek
Astanadaǵy Júnis Emre ortalyǵy taratqan málimetterge qaraǵanda, «Túrik F -16 «Solotúrk» pılotaj toby 2011 jyly Túrkııa áýe kúshteri qolbasshylyǵynyń 100 jyldyǵyna oraı qurylǵan. «2018 avıa shoýy maýsymy «Solotúrktiń» 7 jyly bolyp tabylady. «Solotúrk» pılotaj toby ushaqty ushyratyn 2 ushqysh pen buqaramen baılanysqa jaýapty ofıtserdi qosqanda jalpy sany 11 personaldan turady. Pılotaj alǵashqy avıa shoýyn 2011 jylǵy 15 sáýirde Ankarada Prezıdent pen memlekettik hattamaǵa qatysqan resmı baspasóz máslıhatynda oryndaǵan.
Sonymen qatar, «Solotúrk» 2011 jyly Fairford/Anglııada 29 avıa shoý toby qatysqan Halyqaralyq Koroldik avıa shoýda «Eń úzdik ushý kórsetilimi» nomınatsııasy boıynsha «Korol Húseıinniń qylyshy» marapatyna ıe boldy. Al 2013 jyly Anglııadaǵy avıa shoýda «Solotúrk» «Eń úzdik solo pılotaj toby» syılyǵyn ıelendi. 2017 jylǵy shoý maýsymynda Slovakııada ótken Halyqaralyq Aero festıvalinde «Eń úzdik kórsetilim ekıpajy» syılyǵyn jeńip aldy», - delingen baspasóz baıanynda.
Aıta keterligi, «Solotúrik» pılotaj toby eń alystaǵy bazadan ushyp shyǵyp, aýada janarmaı toltyrý qabiletine ıe tuńǵysh jáne jalǵyz top bolyp tabylady. Shoý kezinde «Solotúrk» ushqyshy F -16 S qýaty kúshti motorynyń arqasynda ushaǵynyń lımıtteri bolyp tabylatyn + 9 ben negatıv 3 G deńgeıine ákeledi.
Shoýdyń naqty kórinýi úshin alaýmen birge «Solotúrk» ushaǵynyń qanattaryndaǵy tútin shyǵarǵysh qoldanylady. Bul apparat kórermenderge tamasha shoý kórsetý úshin qajet. Solotúrk F -16 S Blok 30 ushaǵy «Túrik ulttyq óner qory» tarapynan 2011 jyly «Eń úzdik syrtqy dızaın» syılyǵyna ıe boldy. Bul ushaq -tolyqtaı jumys isteı alatyn operatsııalyq reaktıvti ushaq.
SOLOTÚRKTІŃ QABІLETІ
UShQYSh: 2
Túri: F-16_C (tolyqtaı reaktıvti)
Eń joǵary jyldamdyq: 1200 km/h
Eń joǵary bıiktik: 5 km (10 sekýnd.)
Eń tómengi bıiktik: 15 metr
G shekaralary (+) 'G': + 9 G
(-) 'G':-3 G
Manevri: 20
Eske sala keteıik, 23-26 mamyry aralyǵynda Astanadaǵy Halyqaralyq áýejaıdyń áskerı sektory aýmaǵynda «KADEX - 2018» qarý-jaraq jáne áskerı-tehnıkalyq V halyqaralyq kórmesi bolady. Astana qalasynyń 20 jyldyǵyna oraı «KADEX - 2018» kórmesi jańa formatta ótip, oǵan álemniń jetekshi óndirýshileriniń qarý-jaraq jáne áskerı tehnıkalary usynylatyn bolady.