Túrkııanyń «SKY» avıakompanııasynyń bankrotqa ushyraýynan zardap shekken jolaýshylar túgeldeı elge oraldy
YSTAMBUL. 12 maýsym. QazAqparat - Budan buryn habarlanǵandaı, Túrkııanyń «SKY» avıakompanııasynyń bankrotqa ushyraýyna baılanysty bir jarym myńǵa jýyq qazaqstandyq týrıster Antalııa kýrorttarynan elge oralý máselesinde qıyndyqqa tap bolǵan edi.
QR Úkimeti azamattardy elge jetkizý úshin barlyq jedel kúshterdi jumyldyryp, vedomstvolar men Túrkııadaǵy qazaqstandyq elshilik tarapynan tıisti sharalar qolǵa alyndy.
Elshiliktiń ótinishteri men baýyrlas Qazaqstan azamattarynyń problemalary nazardan tys qalmaı, maýsymnyń 9-nan bastap Túrkııa tarapy Aqtóbe, Astana jáne Almaty qalalaryna tegin negizde úsh charterlik reısti júzege asyrý úshin syıymdylyǵy 219 jolaýshylyq «Airbus 320» Túrkııa azamattyq avıatsııasynyń ushaǵyn bólý týraly sheshim qabyldady.
10-11 maýsym kúni alǵashqy eki ushaq Aqtóbe jáne Astana qalalaryna 270 qazaqstandyqty elge jetkizgenin esterińizge sala keteıik.
Al 134 jolaýshy otyrǵan sońǵy ushaq keshe saǵat 16.15-te Almatyǵa attandyryldy.
Sóıtip, bankrotqa ushyraǵan kompanııanyń barlyq jolaýshylary jetkizildi. Elge attanǵaly jatqan týrıster respýblıka basshylyǵyna, qazaqstandyq dıplomattarǵa, sondaı-aq baýyrlas Túrkııa úkimetine alǵystaryn bildirdi.
«SKYAIR» -diń bankrotqa ushyraýynan zardap shekken nemis jolaýshylary da elderine kedergisiz oraldy.
