Túrkııanyń shyǵysynda magnıtýdasy 5,7 jer silkinisi tirkeldi

ANKARA. QazAqparat - Túrkııanyń shyǵysynda magnıtýdasy 5,7 jer silkinisi tirkeldi, dep habarlaıdy QazAqparat Anadoly agenttigine silteme jasap.

Túrkııanyń shyǵysyndaǵy Bıngól provıntsııasynda magnıtýdasy 5,7 jer silkinisi boldy, dep habarlaıdy Túrkııa úkimeti janyndaǵy Tótenshe jaǵdaılardyń aldyn alý jáne saldaryn joıý basqarmasy (AFAD).

Jerasty dúmpýi jergilikti ýaqytpen saǵat 17:24-te bolǵan. Zilzala oshaǵy Karlyova aýdanynyń aýmaǵynda tirkeldi. Dúmpý jaqyn mańdaǵy aýdandarda sezildi.

Túrkııanyń Qorshaǵan orta jáne qala qurylysy mınıstri Murat Kýrým, tabıǵat apaty bolǵan aýmaqqa qutqarýshylar jiberilgenin málimdedi.

«Úkimet jaǵdaıdy muqııat baqylap otyr», - dedi ol.

Bıngól provıntsııasynyń gýbernatory Kadır Ekındjıdiń aıtýynsha, jer silkinisi kezinde baqylaý munarasy qıraǵan, nysannyń úsh kúzet qyzmetkeri jaraqat alǵan.

Foto/aa.com.tr