Túrkııanyń shyǵysynda 5,3 baldyq jer silkinisi boldy

ANKARA. ANADOLY-QazAqparat – Túrkııanyń shyǵysyndaǵy Malatıa provıntsııasynda 5,3 baldyq jer silkinisi boldy. Bul týraly osy eldiń TJ zalalyn joıý basqarmasy (AFAD) málimdedi, dep habarlaıdy QazAqparat Anadoly aqparat agenttigine silteme jasap.

AFAD málimetinshe, jer silkinisi juma kúni saǵat 20:48-de tirkeldi. Onyń epıtsentri Malatıa provıntsııasynyń Eshılıýrt aýdanynda boldy. Oshaǵy 7 km tereńdikte.

Agenttiktiń habarlaýynsha, jer silkinisi Malatıada, sondaı-aq Kahramanmarash, Adyıaman, Shanlyýrfa jáne Gazıantep qalalarynda sezildi. Kóptegen qala turǵyndary dúmpýlerdi sezinip birden kóshege shyqqan.

«Bizdiń brıgadalar dalalyq zertteýler júrgizýde. Qazirgi kezde Battalgazy aýdanyndaǵy qaraýsyz qalǵan 1 ǵımarat qırady. Kósheden ótip bara jatqan bir bala aıaǵyn syndyryp, aýrýhanaǵa jetkizildi. Birneshe adam balkonnan sekirgen», - dedi Malatıa provıntsııasynyń basshysy Ersın ıAzydjı.

Eske sala ketsek, 6 aqpanda Túrkııada magnıtýdasy 7,7 baldyq joıqyn jer silkinisi boldy. Epıtsentri Kahramanmarash provıntsııasyndaǵy Pazardjık aýdanynda bolǵan zilzala oshaǵy 7 shaqyrym tereńdikte bolǵan. Jer silkiný saldarynan Hataı, Gazıantep, Kılıs, Osmanıe, Malatıa, Adyıaman, Shanlyýrfa, Dııarbekır, Adana jáne Kahramanmarash provıntsııalarynda kóptegen ǵımarattar qırady.

Túrkııanyń ońtústik-shyǵysynda jer silkinisi qurbandarynyń sany 50 myń adamnan asty.

Júzdegen aftershokqa ulasqan jerasty dúmpýleri eldiń 11 provıntsııasynda, sondaı-aq kórshiles memleketterde, sonyń ishinde Sırııada da sezildi.