Túrkııanyń shyǵys bóliginde Iran gazy tasymaldanatyn qubyrda kúshti jarylys boldy
ASTANA. Shildeniń 21-i. QazAqparat - Túrkııanyń shyǵys bóliginde, Irannan tabıǵı gaz tasymaldaıtyn gaz qubyrynda kúshti jarylys boldy. Oqıǵa Iran shekarasynan 35 shaqyrym jerdegi Dogýbaıazıt qalasy mańyndaǵy Agrı provıntsııasynda oryn aldy, dep habarlaıdy RBK.
Oqıǵa saldarynan jaqyn mańaıdaǵy ǵımarattarǵa zaqym keldi. Biraq, opat bolǵandar men zardap shekkender jóninde aqparat joq, dep habarlady Túrkııanyń bılik ókilderi.
Qolda bar málimetterge qaraǵanda, gaz qubyryndaǵy jarylys órtke ulasqan. Oqıǵa ornyna jedel túrde polıtsııa men órt sóndirýshiler brıgadasy jetken. BOTAS memlekettik qubyr tartý kompanııasynyń ókilderi qala ortalyǵyndaǵy jáne Gýrbýlak shekara mańyndaǵy ótkizgishterdi japqan soń ǵana, órtti aýyzdyqtaýdyń múmkindigi týdy.
Jarylys sebebi anyqtalý ústinde. Órt tolyq óshirilgen soń ǵana, tergeý jumystaryn bastaý múmkin bolady, deıdi túrik bıliginiń ókilderi.
