Túrkııanyń "Sema" klınıkasy Almatyda medıtsınalyq ortalyǵyn ashady
ALMATY. Naýryzdyń 30-y. QazAqparat /Erlik Erjanuly/ - Maýsym aıynda Almatyda medıtsınalyq jańa ortalyq ashylady.
Bul búgin Almatyda ótip jatqan Túrkııanyń emdik jáne kásibı saýyqtyrý mekemeleriniń qazaqstandyq áriptesterimen bolǵan kezdesýinde aıtyldy, dep habarlaıdy QazAqparat.
"Bul bizdiń shet eldegi alǵashqy ortalyǵymyz bolmaq. Qazir jalǵa alynǵan ǵımaratty emhana jaǵdaıyna keltirip jatyrmyz. Onda - gınekologııa, balalarǵa alǵashqy kómek, jalpy hırýrgııa, ishki aýrýlar, kardıologııa, kóz-qulaq, stomatologııa, elektrorentgen, mammografııa men radıologııalyq, tomografııalyq, bıologııalyq hımııa, mıkrobıolgııa jáne súıekterdiń ólshemin anyqtaıtyn ortalyqtar bolady", deıdi Sema klınıkasynyń úılestirýshisi Mehmet Oksús. Onyń aıtýynsha, bastapqy kezde dárigerlerdiń kóbi Túrkııadan kelmek. Alǵashqy kezeńde 70 adam jumys jasaıtyn bul ortalyq kúnine 250 adamǵa qyzmet kórsetkeli otyr. Onda shaǵyn shuǵyl operatsııalar jasalyp, aýyr jaǵdaıdaǵy naýqastarǵa Túrkııada kómek kórsetiledi dep josparlanýda.
