Túrkııanyń órtten zardap shekken óńirleri apat aımaqtary dep jarııalandy

ANKARA. ANADOLU – QazAqparat – Túrkııa prezıdenti rejep Taıyp Erdoǵan orman órtterinen zardap shekken el óńirlerin apat aımaqtary dep jarııalady. Bul týraly QazAqparat Anadolu agenttigine silteme jasap habarlaıdy.

Túrkııada birneshe kúnnen beri orman órtteri órship tur.

Órt sóndirý qyzmetteriniń kúshimen Túrkııada 98 orman órti oshaǵynyń 88-i aýyzdyqtaldy. Bul týraly senbi kúni eldiń orman jáne aýyl sharýashylyǵy mınıstri Bekir Pakdemırlı málim etti.

«28-31 shilde aralyǵynda Túrkııa aýmaǵynda 98 orman órti tirkeldi, olardyń 88-i óshirildi. 10 aýdanda órtti sóndirý belsendi túrde júrgizilýde», - dep habarlady mınıstr.

Mınıstr atap ótkendeı, onyń bireýi Adana provıntsııasynda, úsheýi Antalıada, úsheýi Mersınde, ekeýi Muǵlada, bireýi Osmanııada.

Orman órtterin sóndirýge 45 tikushaq, 6 ushaq, myńdaǵan órt sóndirý kóligi jumyldyrylǵan.

Buǵan deıin habarlaǵandaı, Túrkııadaǵy órtten zardap shekkender men qaza tapqandar arasynda qazaqstandyqtar joq .