Túrkııanyń ortalyq bóliginde 4,3 baldyq jer silkinisi boldy

KONЬıA. ANADOLÝ-QazAqparat - Túrkııanyń ortalyq bóliginde ornalasqan Konııa provıntsııasynda 4,3 baldyq jer silkinisi boldy. Bul týraly osy eldiń TJ zalalyn joıý basqarmasy (AFAD) habarlady, dep jazady «Anadolý».

Jerasty dúmpýi juma kúni 17:10-da tirkelgen. Jer silkinisiniń kindigi 7 km tereńdikte, oshaǵy Ereglı aýdanynda bolǵan.

Konıa ákimshiliginiń Twitter-degi paraqshasynda jarııalanǵan málimetke saı, zardap shekkender joq, ǵımarattar búlinbegen.

Eske salaıyq, 20 aqpan kúni Defne aýdanynda bolǵan 6,4 baldyq jer silkinisinen 6 adam qaza taýyp, 562 turǵyn zardap shekken bolatyn.

6 aqpanda Túrkııanyń Kahramanmarash aımaǵynda bolǵan joıqyn zilzaladan mert bolǵandar sany sońǵy málimet boıynsha 42 310 adamǵa jetti.