Túrkııanyń ońtústik-shyǵysyndaǵy jer silkinisi qurbandarynyń sany 1500-den asty

ANKARA. TASS - QazAqparat - Dúısenbi kúni Túrkııanyń ońtústik-shyǵysynda bolǵan eki kúshti jer silkinisi saldarynan 1500-den astam adam qaza tapty. Bul týraly respýblıkanyń vıtse-prezıdenti Fýat Oktaı málimdedi, dep habarlaıdy QazAqparat TASS-qa silteme jasap.

«Jer silkinisi saldarynan 1541 adam qaza taýyp, 9733 azamatymyz zardap shekti. Sońǵy málimetter boıynsha 3471 ǵımarat qıraǵan», - dedi ol Ankarada ótken baspasóz máslıhatynda.

Dúısenbi kúni Túrkııanyń ońtústik-shyǵysyndaǵy Kahramanmarash provıntsııasynda magnıtýdasy 7,7 bolatyn kúshti jer silkinisi boldy. Keıin Túrkııada 7,7 baldyq taǵy bir jer silkinisi tirkeldi. Oǵan kórshiles Sırııada 460-tan astam adam qaza tapty.

Buryn habarlanǵandaı, Túrkııanyń ońtústik-shyǵysyndaǵy Kahramanmarash provıntsııasynyń Pazardjık aımaǵynda magnıtýdasy 7,4 bolatyn jer silkinisi oryn aldy. Tótenshe oqıǵanyń saldary Sırııada, tipti Grýzııada da sezilýde. Túrkııadaǵy jer silkinisi kezinde qaza tapqan jáne zardap shekken Qazaqstan azamattary joq. Memleket basshysy Qasym-Jomart Toqaev Túrkııa prezıdenti Rejep Taıyp Erdoǵanǵa eldiń ońtústik-shyǵysynda kóptegen qurban bolǵanyna baılanysty kóńil aıtty.

Qazaqstan da Túrkııaǵa shuǵyl kómek kórsetedi.

Foto: Reuters