Túrkııanyń ońtústik-shyǵysynda jarylys boldy
ASTANA. QazAqparat - Túrkııalyq Gazıantep qalasynda polıtseı ýchaskesiniń mańynda jarylys boldy. Bir tártip saqshysy ajal qushty, dep habarlady, RIA Novostı Reıter agenttigine silteme jasap.
Sonymen qatar otyz adam zardap shekti degen aqparat bar.
Agenttiktiń málimetinshe, mınalanǵan kólik jarylypty. Jarylystan keıin sodyrlar men polıtseıler arasynda atys bastaldy. DHA agenttigi jaraqattanǵandardyń ishinde polıtsııanyń toǵyz qyzmetkeri bar ekenin aıtty.
Aýdan qorshaýǵa alyndy, oqıǵa ornyna jedel járdem kólikteri jetti.
