Túrkııanyń ońtústik shyǵysynda narazylyq sharalary ótti
ASTANA. 17 mamyr. QazAqparat - Túrkııanyń ońtústik shyǵysynda jergilikti halyq separatıstik Kýrd jumysshy partııasy áskerleriniń qaza tabýyna baılanysty narazylyq sharalaryn ótkizdi.
Birqatar aımaqtarda beıbit túrde bastalǵan boıkórsetýdiń sońy shıelenisip, polıtsııamen qaqtyǵysqa ulasyp ketti, dep habarlaıdy Euronews.
Kýrdter turatyn shaǵyn aımaq sanalatyn Dııarbakyr qalasynda ereýilshiler tártip saqshylaryn taspen, janǵysh suıyqtyq quıylǵan shólmektermen atqylaǵan. Polıtseıler oǵan qarsy qarý retinde sýatqyshtar men kózden jas shyǵaratyn gaz paıdalanǵan. Tynyshtandyrý sharalarynan keıin birneshe adam qamaýǵa alyndy.
