Túrkııanyń ońtústik-shyǵysynda munaı qubyryn jaryp jiberdi
ASTANA. 22 shilde. QazAqparat - Iraktyń Kırkýk qalasy men Túrkııanyń Jerorta teńizindegi Djeıhan portty qalasyn baılanystyratyn eldiń ońtústik-shyǵysyndaǵy qatar jatqan eki munaı qubyrynyń biri jarylyp, órt qushaǵyna orandy.
Bul aqparatty jaratqan sheteldik BAQ-tardyń málimeti boıynsha, jarylys saldarynan zardap shekkender joq.
BAQ ókilderiniń málimetterine qaraǵanda, oqıǵa Mıdıat qalasynyń aýdanynda oryn alǵan. Oqıǵa saldarynan qatar jatqan eki qubyrdyń biri qatty zaqymdansa, ekinshisi din aman. Degenmen, qaýipsizdik úshin onyń jumysy ýaqytsha toqtatyldy. Órt sóndirýshiler áli de qyzyl jalynmen alysýda. Tilsiz jaýdyń aldy alynǵannan keıin qubyrdy jóndeý jumystary bastalady.
