Túrkııanyń ońtústik-shyǵysynda bomba jarylyp, 6 adam qaza tapty
ASTANA. 18 qazan. QazAqparat - Túrkııanyń ońtústik-shyǵysynda bolǵan jarylystan alty adam qaza tapty, olardyń tórteýi tártip saqtaý organdarynyń qyzmetkerleri.
Sondaı-aq jarylystan eki jergilikti turǵyn kóz jumsa, onyń biri eki jastaǵy náreste, dep habarlaıdy RBK agenttigi.
Jarylystan jaraqat alǵan adamdar týraly aqparat bar, alaıda olardyń naqty sany anyqtalǵan joq.
Jeriglikti BAQ taratqan málimetterge súıensek, bomba qashyqtyqtan iske qosylǵan. Oqıǵa Gıýroımak ýezindegi Bıtlız provıntsııasynda oryn aldy, dep habarlaıdy Associated Press agenttigi.
Tergeý boıynsha, oqıǵaǵa Kúrdistan Jumysshy partııasy (KJP) sodyrlarynyń qatysy bar bolýy múmkin, alaıda ázirge eshbir lańkestik top jarylys úshin jaýypkershilik alǵan joq.
