Túrkııanyń ońtústik-shyǵysynda 5 orman órti sóndirilip jatyr

MÝǴLA. Anadoly-QazAqparat - Túrkııanyń ońtústik-shyǵysyndaǵy Mýǵla provıntsııasynda orman órtin sóndirý jalǵasyp jatyr, dep habarlaıdy QazAqparat Anadoly agenttigine silteme jasap.

Munda qazir 5 órt oshaǵynda qutqarýshylar áýeden de, jerden de jumys isteýde.

Mýǵladaǵy qyzyl jalyndy aýyzdyqtaýǵa 6 ushaq, 39 tikushaq, kóptegen órt sóndirý kóligi men TOMA sýatqyshtary jáne basqa da birqatar tehnıka túrleri qoldanylyp otyr.

Sondaı-aq 1 myńnan astam órt sóndirýshi jumyldyrylǵan.

Ormandaǵy tilsiz jaýdyń betin qaıtarýǵa Ázerbaıjannan kómekke kelgen bir tikushaq, bir ushaq jáne 300 qutqarýshy, reseılik eki órt sóndirýshi ushaq, sonymen qatar ırandyq bir ushaq pen eki tikushaq, Ispanııadan jetken eki ushaq qolushyn berip jatyr.