Túrkııanyń ońtústik-shyǵysynda 5,1 magnıtýdasymen jer silkindi

ANKARA. TASS – QazAqparat – Beısenbi kúni Túrkııanyń ońtústik-shyǵysynda 5,1 magnıtýdasymen jer silkindi. Bul týraly eldiń Tótenshe jaǵdaılar basqarmasyna silteme jasap TASS málim etti, dep habarlaıdy QazAqparat.

Jerasty dúmpýiniń oshaǵy Jerorta teńizinde 10 shaqyrym tereńdikte ornalasty jáne Hataı provıntsııasyndaǵy teńiz jaǵalaýy aýmaǵynan 5 shaqyrymǵa jýyq jerde boldy.

Zardap shekkender nemese qırandylar týraly málimet túspegen.

Eske salaıyq, 6 aqpanda Túrkııada 7 baldan asatyn joıqyn jer silkinisi boldy. Zilzaladan keıin 4 myńnan astam aftershok tirkeldi.

16 aqpandaǵy derekke sáıkes, tabıǵı apat saldarynan qaza bolǵandar sany 36,1 myńnan asty, 108 myńnan astamy zardap shekti.

Terbelisti túrik elimen shekaralas ornalasqan Sırııa, Lıvan, Irak, Kıpr halqy sezindi.