Túrkııanyń ońtústiginde zymyran soqqysynyń saldarynan úsh adam qaza tapty

GAZIANTEP. Anadoly –QazAqparat – YPG lańkesteri (KJP-nyń sırııalyq qanaty –red.Anadolý) Túrkııanyń ońtústigin zymyranmen atqylady, dep habarlaıdy QazAqparat Anadoly agenttigine silteme jasap.

Gazıantep provıntsııasynyń shekaralas Qarqamys aýdanyna Sırııanyń soltústiginen zymyran atylǵan.

Gazıantep gýbernatory Davýt Gúldiń aıtýynsha, sodyrlar Qarqamys aýdanyna jalpy sany 5 zymyran tastaǵan. Saldarynan úsh adam qaza taýyp, alty adam jaralanǵan.

Bul aýdanǵa jedel járdem brıgadalary jiberildi.

Jergilikti derekkózderdiń habarlaýynsha, jarylystar lıtseılerdiń biriniń ǵımaratynda bolǵan. Sonymen qatar eki turǵyn úıge, Qarqamys beketiniń mańynda júk kóligine de snarıadtar túsken.

Foto: www.aa.com.tr