Túrkııanyń ońtústiginde jer silkindi: qazaqstandyq týrıster zardap shekken joq
ASTANA. 30 jeltoqsan. QazAqparat - Túrkııanyń ońtústiginde jer silkindi: qazaqstandyq týrıster zardap shekken joq. Bul týraly QR Indýstrııa jáne jańa tehnologııalar mınıstrligi Týrızm ındýstrııasy komıtetiniń baspasóz qyzmeti habarlady.
«QR Indýstrııa jáne jańa tehnologııalar mınıstrligi Týrızm ındýstrııasy komıteti 2013 jyldyń 27 jeltoqsanynda Túrkııanyń ońtústiginde jergilikti ýaqyt boıynsha saǵat 17.21-de magnıtýdasy 5,9 bolatyn jer silkinisi bolǵanyn habarlaıdy», - delinedi habarlamada.
Eýropalyq-jerorta teńiziniń seısmologııalyq ortalyǵynyń derekteri boıynsha, jer dúmpýiniń oshaǵy Kıprdiń astanasy Nıkosııa qalasynan soltústik batysqa qaraı 208 shaqyrym jáne Antalııadan ońtústik shyǵysqa qaraı 113 shaqyrymdaǵy teńizdiń 64 shaqyrym tereńdigindegi túbinde bolǵan.
Qaza bolǵandar, qıraǵandar jáne tsýnamıdiń bolý qaýipi týraly derekter túsken joq.
Túrkııada demalyp júrgen qazaqstandyqtarǵa bul oqıǵa eshqandaı qıyndyq týǵyzǵan joq. Týrıstik agenttik qyzmetkerlerine qazaqstandyq týrısterden ol týraly eshqandaı shaǵym túspegen.
