Túrkııanyń ońtústiginde Sırııa áskeriniń ushaǵy apatqa ushyrady
ASTANA. QazAqparat - Túrkııanyń Premer-mınıstri Bınalı Iyldyrym eldiń ońtústigindegi Hataı provıntsııasynda Sırııa ÁÁK ushaǵy apatqa ushyraǵanyn málim etti, dep habarlaıdy Sky News Arabia.
BAQ-tardaǵy málimetke súıensek, "Ahrar ash-Sham" lańkestik toby Sırııanyń MıG-21 ushaǵyn atyp túsirgenin jarııalaǵan. Ushqysh der kezinde katapýlt jasap úlgergen jáne Túrkııa aýmaǵyna qonǵan.
Endi bir derek boıynsha, ushaqty eshkim atyp túsirmegen. Ushqysh qozǵaltqyshtyń isten shyǵýyna baılanysty qutqarý tetigin paıdalanyp, sekirip ketken. Derekter naqtylanýda.
