Túrkııanyń ońtústiginde 4,3 balldyq jer silkinisi boldy
ANKARA. QazAqparat - Túrkııanyń ońtústigindegi Adana provıntsııasynda jer silkindi, dep habarlaıdy QazAqparat Anadoly agenttigine silteme jasap.
Túrkııa úkimeti janyndaǵy tótenshe jaǵdaılardyń aldyn alý jáne joıý basqarmasynyń (AFAD) málimetinshe, jerasty dúmpýi jergilikti ýaqytpen 06:45-te Saımbeılı aýdanynda tirkeldi.
Oshaǵy 7 shaqyrym tereńdikte.
Buryn habarlanǵandaı, 6 aqpanda Túrkııanyń ońtústik-shyǵysynda magnıtýdasy 7 baldan asatyn eki jer silkinisi bolǵan edi (jergilikti ýaqyt boıynsha 04:17-de – 7,7 ball jáne 13:24-te – 7,6 ball).
Túrkııanyń ońtústik-shyǵysynda bolǵan joıqyn jer silkinisinen qaza tapqandar sany 50 myńnan asty.
Joıqyn jer silkinisi kórshiles elderde, sonyń ishinde Sırııa, Lıvan, Soltústik Kıprdegi Túrik Respýblıkasy, Grekııa Kıprinde jáne Irakta da sezildi.
