Túrkııanyń qonaqúılerde turý baǵasy quldyrady
ASTANA. QazAqparat - Túrkııa jergilikti qonaqúılerde turý baǵasynyń quldyraǵanyn moıyndady. Munyń bári eldiń týrıstik salasyndaǵy daǵdaryspen baılanysty, dep jazady «Komsomolskaıa pravda».
Mysalǵa, Ystambulda bir nómirdiń baǵasy táýligine 140-tan 91,9 eýroǵa tómendegen. Bul týraly Túrkııa qonaqúıler qaýymdastyǵynyń naýryzdaǵy esebinde aıtylǵan, dep úzindi keltiredi Reseı týroperatorlary qaýymdastyǵy.
Sonymen birge, naýryzda eldegi qonaqúıler sońǵy birneshe jyldaǵy júktemeniń eń tómen paıyzyn kórsetip otyr. 2015 jyldyń osy kezeńimen salystyrǵanda, qonaqúılerdiń toltyrylýy 16,5 paıyzǵa tómendegen. Qonaqúılerde barlyǵy 52,5 paıyz nómirler brondalǵan. Týrıstik sala negizinen reseılik, nemis jáne brıtan týrısteri saldarynan shyǵynǵa batýda. Múldem quryp ketpeý úshin túrik qonaqúıleri qaýymdastyǵy el úkimetine týroperatorlardy qoldaý sharalaryn keńeıtý jóninde ótinish jasady.
Mysalǵa, mamyr aıynda aıaqtalýy tıisti avıareısterdi sýbsıdııalaý baǵdarlamasy qyrkúıekke deıin uzartyldy. Ol boıynsha Túrkııaǵa ushatyn avıakompanııalar ár reıske myń dollardan alady.
Endi mundaı tólemderdi nemis týroperatorlary da alatyn boldy.
