Túrkııanyń Kırkýk-ıÝmýrtalyk munaı qubyrynda jarylys boldy
ASTANA. 19 qańtar. QazAqparat - 18 qańtardan 19 qańtarǵa qaraǵan túni Túrkııanyń Mardın eldi mekeninde Iraktan Túrkııaǵa munaı jetkiziletin Kırkýk-ıÝmýrtalyk munaı qubyrynda jarylys boldy, dep habarlady Trend jergilikti BAQ-qa silteme jasaı otyryp.
Jarylystyń saldarynan munaıdyń jetkizilýi ýaqytsha toqtatyldy, dep habarlaıdy RBK.
Aldyn ala málimetter boıynsha, jarylystyń oryn alýyna Kúrdistan jumysshy partııasynyń lańkestik qaskúnemdigi sebep boldy. Kúrdistan jumysshy partııasynyń sodyrlary júıeli túrde beıbit halyqqa, sondaı-aq eldiń qaýipsizdik kúshterine qarsy teraktiler uıymdastyryp otyrady.
Túrkııa men táýelsiz kúrd memleketi bolýdy talap etip kele jatqan Kúrdistan jumysshy partııasy arasyndaǵy janjal 25 jyldan astam ýaqyt boıy jalǵasyp keledi. Aradaǵy urystyń saldarynan 40 myńnan astam adam ajal qushty. Kúrdistannyń jumysshy partııasyn BUU men Eýroodaq ta lańkestik uıym dep sanaıdy.
