Túrkııanyń Kemer qalasyndaǵy qonaqúıde bolǵan órtten 14 adam zardap shekti
ASTANA. QazAqparat - Túrkııanyń buqaralyq aqparat quraldary týrıster arasynda keńinen tamyl Kemer aýdanyndaǵy 5 juldyzdy qonaqúıde bolǵan órtten 14 adam zardap shekkenin habarlady, dep jazady newsturk.ru.
Aldyn ala málimetter boıynsha, 29 shilde kúni saǵat 08-00-der shamasynda Geınıýk aýylyndaǵy qonaqúıdiń as úı ornalasqan jertólesinen belgisiz sebeppen órt shyqqan. Osy kezde týrısterdiń kópshiligi tańǵy as ishý úshin as úıge bettep bara jatqan, keıbireýleri onda baryp ta úlgergen. 
Qoıý tútinniń saldarynan 14 adam zardap shegti. Onyń 4-ýi Reseı, 10-y Túrkııa azamattary. Olardyń barlyǵy tútinnen ýlanyp, Kemer qalasynyń aýrýhanasyna jetkizildi.
Oqıǵa ornyna jetken órtke qarsy kúres qyzmetiniń ókilderi qonaqúıdiń 400 turǵynyn qaýipsiz aımaqqa kóshirdi.
