Túrkııanyń Kahramanmarash provıntsııasynda jer silkindi

ANKARA. QazAqparat – Túrkııanyń Kahramanmarash provıntsııasy Geksýn aýdanynda búgin, túngi saǵat 03:39-da jer silkindi. QazAqparat bul týraly Anadolyǵa silteme jasap habarlaıdy.

Tabıǵı apattarmen jáne tótenshe jaǵdaılar men kúres jónindegi basqarmanyń (AFAD) málimetinshe, 4,7 magnıtýdaly jer silkinisiniń oshaǵy Kahramanmarash provıntsııasynyń Geksýn aýdanynda ornalasty.

Jerasty dúmpýiniń oshaǵy 7,34 km tereńdikte ornalasty.

Eske salaıyq, Kahramanmarashta 21 naýryzda - 4,1 qýatymen, 23 naýryzda 4,3 jáne 5,3 magnıtýdasymen jer silkinisteri tirkeldi.

6 aqpanda Túrkııanyń Kahramanmarash provıntsııasynda magnıtýdasy 7 baldan asatyn eki joıqyn zilzala boldy. Terbelis eldiń 10 provıntsııasynda, sondaı-aq kórshiles memleketterde, sonyń ishinde Sırııada sezildi. Osy tabıǵı apattan Túrkııaǵa kelgen shyǵyn 105 mlrd dollardan asty.

Sońǵy resmı derekterge sáıkes, zilzala 50 096 adamnyń ómirin qıdy. 107 204 adam zardap shekti.

Seısmıkalyq belsendilik Orta Azııada baıqalyp jatyr.