Túrkııanyń ІІM basshysy jemqorlyq janjalyna baılanysty otstavkaǵa ketýge ótinish bildirdi
ASTANA. 23 jeltoqsan. QazAqparat - Túrkııanyń Іshki ister mınıstri Mýammer Gıýler jemqorlyq janjalyna baılanysty otstavkaǵa ketý týraly premer-mınıstr Redjep Taııp Erdogannyń atyna ótinish jazdy. Bul týraly M.Gıýlerdiń ózi málemdeme jasady, dep habarlady Associated Press.
Qazirgi ýaqytta ol úkimet basshysynyń sheshimin kútip otyr.
Osy aptada ІІM basshysynyń uly Barıs Gıýler taǵy 23 kúdiktimen birge para aldy degen aıyppen qamaýǵa alyndy. Olardyń qatarynda Túrkııanyń ekonomıka mınıstriniń uly Zafera Chaglaıana da bar.
Negizi taıaýda T.Erdogan mınıstrler kabınetinde ózgeris engizýi tıis edi. Atap aıtqanda, naýryz aıynda jergilikti saılaýǵa qatysatyn úsh mınıstrdi aýystyrý kerek edi. Endi Túrkııa bıliginen ketetin vedomstvo basshylarynyń sany korrýptsııalyq janjalǵa baılanysty kóbeıe tústi.
T.Erdogannyń ózi bul tergeýdi onyń úkimetin dıskredıtatsııalaý úshin jasalǵan qastandyq dep otyr. Onyń atap ótýinshe, tergeý onyń odaqtastaryna qarsy júrgizilýde.
