Túrkııanyń «Galatasaraı» klýbyn áıel adam jattyqtyratyn boldy
ASTANA. 9 sáýir. QazAqparat - 24 jasar fýtbolshy qyz Dýıgý Erdoǵan Túrkııanyń chempıony «Galatasaraı» klýbyn jergilikti birinshiliktiń bir matchyna bastap shyǵaratyn boldy. Buǵan klýbtyń bas bapkeri Fatıh Terımniń «Mersınamen» (3:1) oıynda qyzyl qaǵaz alýy sebep boldy, dep habarlaıdy RBK.
Erdoǵan «Galatasaraıdy» «Karabıýkspor» komandasyna qarsy oıynǵa baptaıdy. Dýıgý jaqynda ǵana bapkerlik lıtsenzııaǵa ıe bolǵan eken, sondyqtan da komandany jattyqtyrýǵa tolyq quqyǵy bar.
F. Terım bolsa «Galatasaraıdy» ÝEFA-nyń Chempıondar Lıgasynyń shırek fınalyndaǵy Madrıdtiń «Realyna» qarsy qarymta kezdesýge jattyqtyryp jatyr. Ispanııada ótken birinshi oıyn «Realdyń» paıdasyna 0:3 esebimen aıaqtalǵan edi.
