Túrkııanyń EO-ǵa kirýine musylman memleketi bolǵany kedergi keltirmeýi tıis
ASTANA. 11 qarasha. QazAqparat - Túrkııa premer-mınıstri Redjep Erdoǵan Polsha astanasy Varshava qalasynda ótken «Túrkııa men Eýropalyq odaqtyń qarym-qatynasy» dep atalatyn konferentsııada osyndaı málimdeme jasady.
Onyń aıtýynsha, EO dinı, mádenı jáne ulttyq erekshelikterine qaramastan kári qurlyqtaǵy elderdi biriktirgen birlestik bolyp tabylady. Túrkııanyń bul odaqqa kirýine musylman memleketi bolǵany kedergi keltirmeýi tıis.
«Túrkııa EO-ǵa tolyqqandy múshe bolyp kirse, EO men ıslam álemi arasyndaǵy dinı máselege baılanysty tosqaýyldardy buzyp-jaryp, ıntegratsııany jandandyrady»,- dedi ol sózin tolyqtyryp. Sondaı-aq, ol Túrkııada EO-ǵa kirý týraly bastamany qoldaıtyndardyń qatary 70-75 paıyzdan 30-35 paıyzǵa deıin bir-aq quldyraǵanyn jáne buǵan EO-nyń ýádesinde turmaýy men ekijúzdi saıasaty sebep bolǵanyn jetkizdi.
«Eýropaǵa barar jolymyzda kezdesetin barlyq jaǵymsyz qubylystar men kedergilerge qaramastan biz tabandylyq tanytyp kelemiz. Biz EO prıntsıpterine beıimdelý baǵytynda ǵana emes, sonymen qatar, elimiz úshin, keleshegimiz úshin de jumystar júrgizetin bolamyz. Biz eldi demokratııalandyrýǵa ári adam quqyǵyn qorǵaýǵa qatysty osy máseleler boıynsha azamattarymyzdyń múddesin eskeretin bolamyz»,- dedi ol. Bul týraly muslim.kz habarlady.
