Túrkııanyń eks-prezıdenti Turǵyt Ózaldyń múrdesinen ý tabyldy
ASTANA. 13 jeltoqsan. QazAqparat - 1993 jyly dúnıeden ótken Túrkııanyń eks-prezıdenti Turǵyt Ózaldyń múrdesinen ý tabyldy, alaıda ol qaıtys bolýyna ákep soqty ma - sot-medıtsınalyq saraptama naqty aıta almady, sarapshylardyń pikirleri ártúrli.
Bul týraly jergilikti BAQ málim etti, dep habarlaıdy reseılik «Jańalyqtar» agenttigi.
Máıitti ashýdy júzege asyrǵan Ystambul sot-medıtsınalyq saraptamasynyń baıandamasy joǵarǵy quzyrly organdarǵa jáne Ankara prokýratýrasyna jiberildi, endi olar resmı málimdeme jasaýy tıis. Ózaldyń Ystambuldaǵy kesenesindegi beıiti qazan aıynda onyń óliminiń sebepterin qaıtadan tekserý úshin Ankara prokýratýrasynyń sheshimimen ashylǵan bolatyn. Esgýmatsııa jasalǵannan keıin Túrkııanyń eks-prezıdentiniń múrdesi qurmetpen qaıtadan jer qoınyna berildi.
