Túrkııanyń eks-prezıdenti Abdýllah Gúl: Nursultan Nazarbaev - tutas túrki áleminiń aqsaqaly
2007-2014 jyldar aralyǵynda Túrkııa prezıdenti bolǵan Abdýllah Gúl men Elbasy Nursultan Nazarbaev arasyndaǵy jyly qarym-qatynas barshamyzǵa málim. Osy kezeńde baýyrlas eki eldiń baılanysy tereńdeı túsip, qos basshynyń resmı saparlary jıi bolýymen erekshelendi. Olardyń arasyndaǵy dostyq Abdýllah Gúldiń prezıdenttik qyzmetinen ketkennen keıin de jalǵasyn tapty.
Gúl myrza qazaq elinde uıymdastyrylǵan halyqaralyq jıyndarǵa qatysyp otyrǵan. Nursultan Ábishulynyń tarıhı sheshimi qazaq elin ǵana emes, túrki álemin de tolǵandyrdy. Túrkııanyń beldi saıasatkerleriniń qatarynda Abdýllah Gúl myrza da elimizdegi ózgeristerge oraı óz pikirin bildirdi.
«Nursultan Nazarbaevtyń kókeıindegi Qazaqstan tek materıaldyq turǵydan baı ádemi qalalary, ádemi joldary bar el emes, demokratııalyq-quqyqtyq, zańdary ústem, erkin naryq erejesimen júretin jetistigi tolassyz jańa belesterge jeteleıtin memleket edi. Osy maqsatqa jetý úshin Tuńǵysh Prezıdent retinde 30 jyl tynbaı eńbek etti. 10 myńdaǵan qazaq jasynyń shyǵys pen batystyń aldyńǵy qatarly oqý oryndarynda bilim alýyna múmkindik berdi. Qazaqstannyń durys baǵytta damýyn jalǵastyra berý úshin jańa býynǵa, izbasarlaryna bılikti berdi», - Túrkııa respýblıkasynyń 11-prezıdenti Abdýllah Gúl.
Abdýllah Gúldiń aıtýynsha, jańa basshy retinde taǵaıyndalǵan Qasym-Jomart Toqaev osy senimge laıyqty.
«Keıbir kóshbasshylar óz baqylaýynda ustap otyratyn adamdardy izbasar retinde taǵaıyndaıdy. Bul jaǵdaıda bıliktiń almasýy is júzinde júzege aspaǵan bolady. Al Qazaqstan jaǵdaıynda bıliktiń is júzinde asqandyǵy kórinip tur. Men de óz basym Qasym-Jomart Toqaevty jaqsy tanımyn ári qurmetteımin. Qazaqstan Nursultan Nazarbaev murat etken elge aınalady degen senimdemin. Qazir de álemde damyǵan 50 eldiń qatarynda. Munymen úzdik otyzdyqtyń qatarynda enýi de alys emes», - dedi Abdýllah Gúl.
Túrki álemindegi yntymaqtasý úrdisinde Nursultan Nazarbaevtyń mańyzy zor. Abdýllah Gúldiń baıandaýynsha, Elbasy túbi bir túrki jurtynyń erteńin baıandy etýge baǵyttalǵan birqatar jumysty júzege asyrdy.
«N. Nazarbaev qazaq jastarynda túrki álemi sanasyn qalyptastyrdy. Sondaı-aq Elbasy ekeýmizdiń bastamamyzben Túrki keńesi quryldy. Týys halyqtardyń ǵylymı qaýymdastyǵynyń ǵylym men biliminiń damýyna jaǵdaı jasaý úshin Túrki akademııasynyń negizi qalandy. Túbi bir túrki jurtyna eleýli úlesi úshin Elbasyny túrki áleminiń dana aqsaqaly dep atadyq», - Abdýllah Gúl.
Aıta ketken jón, Túrik eliniń 11-prezıdenti birneshe jyldan beri telearnalarǵa arnaıy suhbat berýden bas tartqan bolatyn.
«Alaıda Gúl myrza bizdiń ótinishimizdi jerge tastamady. Bul da - bir Qazaqstanǵa degen qurmettiń belgisi», - dep jazady telearna tilshisi Merýert Qanaǵat.
