Túrkııanyń ekonomıka mınıstri otstavkaǵa ketti
ASTANA. 25 jeltoqsan. QazAqparat - Túrkııanyń ekonomıka mınıstrliginiń basshysy Zafer Chaglaıan onyń uly Kaan Chaglaıannyń jemqorlyq janjalyna iligýine baılanysty otstavkaǵa ketti, dep habarlady Reuters agenttigi.
Mınıstr júrgizilip jatqan tergeýdi «uıatty operatsııa» dep atap, ulyna taǵylǵan aıypty moıyndamaı otyr. Al qyzmetinen tergeýdi júrgizilýine múmkindik jasap, shynaıy aıyptylardyń anyqtalýy úshin ketkenin aıtty.
Eske sala keteıik, osydan eki kún buryn Túrkııanyń ishki ister mınıstri Mýammer Gıýler qyzmetinen ketýge ótinish bildirgen bolatyn. Onyń uly Barysh Gıýler de jemqorlyq janjalyna ilikkenderdiń arasynan tabyldy.
Jemqorlardy ustaý boıynsha arnaıy shara Ystambul men Ankarada 18 jeltoqsan kúni ótip, 52 adam ustaldy. Keıinirek sot 23 kúdiktini qamaýǵa alý týraly sheshim shyǵardy. Sheneýnikterdiń uldaryna sybaılas jemqorlyqtan basqa kontrabanda men esirtki zattaryn satty degen aıyptar taǵylyp otyr.
