Túrkııanyń Chanakkale óńirinde orman órtine baılanysty aýyl turǵyndary kóshirilip jatyr

ChANAKKALE. Anadoly - QazAqparat - Chanakkalede órt sóndirýshiler jelmen birge taraǵan orman órtin baqylaýǵa alýǵa tyrysyp jatyr. Jalyndy aýyzdyqtaýǵa 6 ushaq, 15 tikushaq, 109 sý búrikkish, 14 aýyr tehnıka jáne 543 adam jumyldyrylǵan, dep habarlaıdy QazAqparat Anadoly agenttigine silteme jasap.

Gýbernator Ilhamı Aktash Anadoly agenttigine kúshti jelden órttiń qarqyn alǵanyn jáne kúres jalǵasatynyn aıtty.

Saqtyq úshin 211 turǵyny bar Kemel aýyly qaýipsiz jerge kóshirilgen.

«Ot mańyndaǵy aýyldar daıyndyq rejıminde tur. Qajet bolsa, olardy da evakýatsııalaımyz. Saqtyq sharasy retinde bir aýyldyń adamdaryn kóshirdik. Basqalarymen de jumys istep jatyrmyz», - dedi ol.

Іshki ister mınıstriniń orynbasary Múnır Karaloǵlý men Aýyl sharýashylyǵy jáne orman sharýashylyǵy mınıstriniń orynbasary Veısel Tırıakı aımaqqa kelip, Chanakkale gýbernatory Ilhamı Aktashpen birge jumystyń basy-qasynda júr.

Aımaq ákimshiligi de Kızılkeçili, Yukarı Okçular, Musaköy, Özbek jáne Kemel aýyldary tóńireginde jaıylǵan orman órti jeldiń áserinen odan saıyn kúsheıgenin jáne sóndirý jumysy áýeden jáne jerden jalǵasyp jatqanyn málimdedi.

«Kemel, Kayadere, Işıklar, Dörtyol, Kurşunlu, Mareşal Fevzi Çakmak aýyldarynda turatyn azamattarymyz ómir qaýipsizdigi úshin tez arada úılerin tastap, evakýatsııalanýy kerek. Olar ákimdik bólgen ýaqytsha baspanaǵa ornalasady. 112 jáne UMKE medıtsına qyzmetkerleri aýyldarda jedel járdem kórsetýdi jalǵastyryp jatyr» deıdi vedomstvo.