Túrkııanyń burynǵy prezıdenti Súleımen Demırel Ankarada dúnıeden ótti
ASTANA. QazAqparat - Túrkııanyń burynǵy prezıdenti jáne premer-mınıstri Súleımen Demırel sársenbi kúni Ankara aýrýhanalarynyń birinde 91 jasqa qaraǵan shaǵynda dúnıeden ótti, dep habarlady RIA Novostı.
Demırel júrek talmasynan kóz jumdy, dep habarlady Anadolu agenttigi saıasatker emdelýde bolǵan Guven Hastanesi aýrýhanasynyń málimdemesine silteme jasap.
Eks-prezıdent gospıtalǵa 13 mamyrda tynys joldary syrqatymen túsken bolatyn. Aýrýhanada bir aıdan astam ýaqyt tynys joldary ınfektsııasynan, sondaı-aq júrek talmasynan emdeldi. Seısenbi kúni Demıreldiń jaǵdaıy kúrt nasharlaı bastady da, sársenbi kúni túnde qaıtys boldy.
Demırel 1924 jyly 1 qarashada dúnıege kelgen, Túrkııanyń Ádilettilik partııasynyń negizin qalaýshylardyń biri. 1993-2000 jyldary memleket basshysy qyzmetinde boldy, sondaı-aq bes ret Túrkııanyń premer-mınıstri bolyp taǵaıyndaldy.
