Túrkııanyń birneshe provıntsııasynda sý tasqyny boldy

ANKARA. ANADOLY - QazAqparat – Túrkııanyń Qara teńiz jaǵalaýynda tolassyz jaýǵan nóser saldarynan sý tasqyny bolyp, kópirler qıraǵan jáne birneshe aýyl jaryqsyz qalǵan, dep habarlaıdy QazAqparat Anadoly agenttigine silteme jasap.

Sý tasqyny Sınop, Bartyn, Karabıýk jáne Kastamoný provıntsııalarynda bolǵan. Túrkııanyń soltústik provıntsııasy Bartynda kópir qıraǵan. Tótenshe jaǵdaı saldarynan 13 adam zardap shegip, bir adam júrek talmasynan kóz jumǵan

Tótenshe jaǵdaılar jáne tabıǵı apat basqarmasynyń (AFAD) málimetinshe, 12 aýylda jaryq óshken. Sondaı-aq, ǵımarattardyń birinshi qabaty sý astynda qalǵan. Sý kólikterdi shaıyp ketýde.

Qazirgi ýaqytta izdeý-qutqarý operatsııasy júrgizilip jatyr. Turǵyndardy sý basqan úılerden evakýatsııalaýda.