Túrkııanyń birneshe qalasynda jer silkindi
Túrkııada jergilikti ýaqyt boıynsha tańǵy saǵat 4:08-de Rıhter shkalasy boıynsha magnıtýdasy 5,9 baldyq jer silkinisi boldy. Jerasty dúmpýleriniń epıtsentri – Túrkııanyń soltústik-batysynda sol provıntsııanyń Dıýzdje qalasynda.
Bul aımaq Ankaradan batysqa qaraı 240 km jáne Ystanbuldan shyǵysqa qaraı 228 km jerde ornalasqan.
Jer silkinisi Ankara men Ystanbulda, sondaı-aq eldiń birneshe qalasynda qatty sezildi.
Túrkııa úkimeti janyndaǵy tótenshe jaǵdaılardyń aldyn alý jáne saldaryn joıý basqarmasy (AFAD) habarlaǵandaı, 18 aftershok tirkelgen, al jerasty dúmpýleri 6,5 km tereńdikte ornalasqan. Aımaqta tekseris júrgiziledi.
Dıýzdje qalasynyń meri Farýk Ozlýnyń málimetinshe, aldyn ala aqparat boıynsha jer silkinisi saldarynan zardap shekkender joq.
«Joıqyn jer silkinisi boldy. Olar bizge qatty sezildi. Kóptegen turǵyn kóshelerge qashyp shyqqan. Qazir barlyq jerde elektr qýaty óship qaldy. Jer silkinisiniń basqa da saldarlary anyqtalýda», - dep qosty F.Ozlý.
Alaıda Túrkııa Densaýlyq saqtaý mınıstrliginiń málimetinshe, jer silkinisi saldarynan 22 adam zardap shekken. Bıikten sekirip ketken bir naýqastyń jaǵdaıy aýyr.
Avtor: Akjıgıt Chýkýbaev
Foto: static.vkurse.kz
