Túrkııanyń bas konsýly mańǵystaýlyqtarǵa alǵys bildirdi
AQTAÝ. QazAqparat - Mańǵystaý oblysynyń turǵyndary zilzaladan zardap shekken Túrkııa eline 1,5 tonna gýmanıtarlyq kómek jiberdi, dep habarlaıdy QazAqparat tilshisi.
Gýmanıtarlyq kómektiń alǵashqy legi 11 aqpan kúni tańǵy saǵat 07:40-ta «Turkish Airlines» áýe kompanııasy arqyly Aqtaý - Ystanbul baǵytynda jiberildi.
«Turǵyndardyń tarapynan óte kóp kómek kórsetildi. Aqtaý-Ystanbul reısi ushaǵyna 1,5 tonna júk tıeldi. Barlyǵyńyzǵa rızashylyq bildiremiz», - dedi Túrkııa Respýblıkasynyń Aqtaý qalasyndaǵy bas konsýly Sabrı Alptekın.
Bas konsýldyń aıtýynsha, ushaqqa syıma qalǵan jáne taǵy jınalǵan kıimder kelesi reıstermen joldanatyn bolady.
