Túrkııanyń bas konsýly atyraýlyq dárigerlerge alǵysyn bildirdi
ATYRAÝ. QazAqparat – Túrkııanyń Aqtaý qalasyndaǵy bas konsýly atyraýlyq dárigerlerge alǵysyn bildirdi, dep habarlaıdy QazAqparat.
Túrkııa Respýblıkasynyń Aqtaý qalasyndaǵy bas konsýly Muzaffer Aqıyldyrym Atyraýdaǵy №2 oblystyq aýrýhanasynyń dırektoryna alǵys hat joldaǵan.
«Atyraý oblysynyń Teńiz kentinde jumys isteý barysynda koronavırýs indetin juqtyrǵan Túrkııa Respýblıkasynyń azamaty Hadjy Chaǵlardyń №2 oblystyq aýrýhanada emdelýine kóńil bólgeni ınfektsııalyq bólimniń dárigerlerine, medbıkelerine, barsha medıtsına salasynyń qyzmetkerlerine shyn kóńilden rızashylyq bildiremiz» - delingen Túrkııanyń bas konsýly jodaǵan hatta.
Sondaı-aq, ol QR Densaýlyq saqtaý mınıstrligine de rızashylyǵyn bildirgen.
«COVID-19 indetimen kúreste QR Densaýlyq saqtaý mınıstrliginiń basshylyǵyna jáne halqyna tabandylyq pen jetistikter tileımin», - deıdi Túrkııa Respýblıkasynyń Aqtaý qalasyndaǵy bas konsýly Muzaffer Aqıyldyrym.
