Túrkııanyń ázirge Eýroodaqqa qosylýy múmkin emes - Germanııa
ASTANA. Shildeniń 29-y. QazAqparat - Germanııa Túrkııanyń Eýropamen jan-jaqty jaqyndasýyn qoldaıdy, biraq onyń ázirge Eýroodaqqa múshe bolýy múmkin emes,- dep sanaıdy GFR-diń syrtqy ister mınıstri Gıdo Vestervelle. Bul týraly RBK agenttigi habarlaıdy.
«Túrkııa sııaqty strategııalyq mańyzdy seriktestiń Eýropaǵa baǵyt alýyn biz jan-jaqty qoldaımyz», -dep málim etti mınıstr Ystambulda túrkııalyq áriptesi Ahmet Dáýitoǵlymen kelissózden keıin.
G.Vestervele myrzanyń aıtýynsha, Berlın Túrkııanyń Eýroodaqqa qosylý múmkindigine jol ashatyn kelisimsharttar men kelisimderdiń oryndalǵanyn qoldaıdy. Degenmen, mınıstr, kelissózderdiń «ádil, ashyq, iskerlik negizde jáne eshqandaı astyrtyn oılarsyz júrgizilýi» kerek ekenin aıta kele, ázirge Túrkııanyń Eýroodaqqa qosylýy múmkin emes ekenin atap kórsetti.
Esterińizge sala keteıik, Túrkııanyń Eýroodaqqa qosylýyn Italııa, Portýgalııa sııaqty elder qoldap otyr, biraq Frantsııa men Germanııa oǵan úzildi-kesildi qarsy. Germanııa kantsleri Angela Merkeldiń pikirinshe, Túrkııa Eýroodaqqa qosylýdyń ornyna, onyń erekshe dárejeli seriktesi mártebesin alýy kerek.
