Túrkııanyń áýe tasymaldaýshysy Bishkek mańyndaǵy apattan zardap shegýshilerge keltirilgen zalaldy óteıdi
BІShKEK. QazAqparat - Túrkııanyń «AST» kompanııasy Bishkek mańynda apatqa ushyraǵan «Boıng-747» ushaǵynyń saldarynan zardap shegýshilerge keltirilgen zalaldy óteıdi.
Bul týraly «AST» áýe kompanııasynyń bas dırektory Jelal Karabash Qyrǵyzstannyń birinshi vıtse-premer-mınıstrimen kezdesý barysynda málimdedi, dep habarlaıdy «QazAqparat» HAA tilshisi.
Sondaı-aq ol, apatqa deıin atalmysh ushaqtyń kórsetilgen baǵyt boıynsha birneshe reıs jasaǵanyn atap ótti. Ár reıs saıyn ol ushaq «Manas» halyqaralyq áýejaıyna janarmaı quıý úshin jáne ekıpajdy aýystyrý úshin qonyp júrgen, onyń bortynda Qyrǵyzstannyń júgi bolmaǵan.
Eske sala keteıik, 16 qańtar kúni saǵat tańǵy 7.31-de Bishkektiń Dacha-Sýý aýylynda áýejaıǵa jaqyn jerde Gonkongten Túrkııaǵa bet alǵan Boeing-747 júk ushaǵy qulady. Apat saldarynan 39 adam mert boldy.
