Túrkııanyń áskerıleri «Jas ulan» mektebiniń tárbıe berý úderisimen tanysty (FOTO)
Sheteldik áriptesterimizdiń kelýiniń negizgi maqsaty «Jas ulan» respýblıkalyq mektebindegi oqý-tárbıe protsesimen tanysý, tájirıbe almasý jáne ózara yntymaqtastyq maqsatynda ári qaraıǵy baılanysty retke keltirý boldy.
Sapar barasynda meımandarmen brıfıng ótkizildi. Atalmysh brıfıngte mektep, bilim oshaǵynyń tarıhy, mektep qabyrǵasynda iske asyrylyp jatqan bilim berý baǵdarlamalary, tárbıelenýshilerdiń kúndelikti tynys-tirshiligi, sporttyq jáne mádenı ómiri jaıly fılm kórsetildi. Sóz sóıleý kezinde túrik delegatsııasynyń basshysy R.Bılgıch te fılmniń tusaýyn kesip, Kýlelı áskerı lıtseıindegi oqý-tárbıe úderisiniń uıymdastyrylýy týraly aıtyp berdi.
Odan basqa, qonaqtar úshin mekteptiń oqý-materıaldyq bazasyna ekskýrsııa jasalyp, sport zaly, basseın, mektep murajaıy, kitaphana kórsetildi. Sondaı-aq qonaqtar áskerı daıarlyq jáne jalpy bilim berý pánderi boıynsha birneshe sabaqtardyń ótkizilýine kýá boldy.
Delegatsııa quramyna Qazaqstan Respýblıkasyndaǵy Túrik Respýblıkasy áskerı attashesiniń orynbasary podpolkovnık Sezen Ozlen, Túrik Respýblıkasy QK Kýlelı áskerı lıtseıin josparlaý bóliminiń bastyǵy polkovnık Raýf Bılgıch, rota komandıri kapıtan Ferhat Baıar, kýrsanttar Sevahattın Enes Ýzýn jáne Salıh Ege kirdi. Sapar qorytyndysy boıynsha Túrik Respýblıkasy Qarýly Kúshteri Kýlelı áskerı lıtseıiniń delegatsııasy bizdiń tarapymyzdan kórsetilgen qabyldaýǵa, sondaı-aq jastardy oqytý men tárbıe berý aıasyndaǵy birlesken yntymaqtastyqtyń jalǵasýyna alǵys bildirdi.
