Túrkııanyń áskerı ushaǵy Sırııa aspanynda atyp túsirildi
ASTANA. 23 maýsym. QazAqparat - Sırııa qarýly kúshteriniń basshylyǵy Túrkııa ÁÁK-niń (Áskerı áýe kúshteri) F-4 Phantom áskerı ushaǵyn juma kúni Sırııanyń terrıtorııalyq sýlarynyń ústinen ushyp bara jatqan kezinde atyp túsirgenin málimdedi.
Bul týraly Reseı jańalyqtar agettigi habarlaıdy.
«Bizdiń áýe shabýylyna qarsy qorǵanysymyz nysanaǵa shabýyl jasady. Ol nysana juma kúni tús kezinde bizdiń terrıtorııalyq sýlarymyzdyń ústinen ruqsatsyz ushyp ótpek boldy. Nysana túrik áskerı ushaǵy bolyp shyqty» - delingen sırııalyq áskerılerdiń málimdemesinde.
Budan burynyraq Túrkııanyń Premer-Mınıstri Taııp Erdogannyń keńsesi ushaqty Sırııa atyp túsirdi degen bolatyn. Olardyń málimdemesinde oqıǵanyń barlyq aq-qarasy anyqtalǵan soń, Túrkııa oǵan baılanysty barlyq sharalardy «batyl túrde» qoldanatyn bolady dep jazylǵan edi.
Іzdestirý-qutqarý jumystary júrgizilip jatyr.
