Túrkııanyń áskerı-áýe kúshteri soltústik Irak aýmaǵyna soqqy berdi
ASTANA. Mamyrdyń 21-i. QazAqparat - Túrkııanyń áskerı-áýe kúshteri kúrd separatısteriniń bazasy ornalasqan soltústik Iraktyń aýmaǵyna soqqy berdi, dep habarlaıdy Associated Press jergilikti buqaralyq aqparat quraldaryna silteme jasap.
Shabýyldyń maqsaty túrik shekarasyna qaraı bet alǵan Zar jáne Hakýrk aýdandaryndaǵy kúrd jasaqtary bolǵany aıtylyp otyr. Áýe shabýylyna shamamen 20 shaqty ushaq qatysty. Shabýyldyń nátıjesi týraly ázirge málimetter joq.
Túrkııa armııasy men áskerı-áýe kúshteriniń kúrd jasaqtaryna qarsy shabýyldary, 2008 jyldyń jeltoqsan aıynan bastap, túrik Konstıtýtsııalyq soty separatıstermen baılanysy bar dep aıyptap, eldegi jalǵyz kúrdterdiń saıası partııasyn jabý týraly sheshim qabyldaǵannan keıin jıilegen bolatyn.
Kúrd jasaqtary túrik áskerıleriniń áreketterine dıversııalyq aktsııalarmen jaýap berýde.
Kúrd jumysshylar partııasynyń jasaqtary kúrdterdiń táýelsiz memleketin qurý jolynda 1984 jyldan beri kúresip keledi.
