Túrkııanyń áskerı áýe kúshteri eldiń ońtústik-shyǵysyndaǵy sodyrlarǵa soqqy jasady
ASTANA. QazAqparat - 6 qyrkúıek kúni Túrkııanyń Irakpen shekaralasatyn Hakkıarı provıntsııasynda Kúrdistan jumysshylar partııasy (KJP) sodyrlary túrik armııasynyń eki brondy mashınasyn jaryp jiberdi. NTV telearnasynyń habarlaýynsha, osyǵan baılanysty aımaqta sodyrlardyń kózin joıýǵa baǵyttalǵan áskerı is-qımyl bastalyp ketti. Túrkııa Áýe kúshteriniń joıǵysh ushaqtary KJP nysandaryna áýeden soqqy jasady, dep habarlady TASS.
CNN Turk telearnasynyń habarlaýynsha, sodyrlarmen atys kezinde qarýly kúshterdiń birshama adamy qaza taýyp, birqatary jaralanǵan. Al, Reuters agenttiginiń habarlaýynsha, shabýyl kezinde 15 túrik sarbazy qaza tapty. Alaıda, mert bolǵandar týraly resmı aqparat ázirge taraǵan joq. Túrkııa Prezıdenti Redjep Taıyp Erdoǵan telearnalarda sóılegen sózinde Hakkıarıdaǵy túrik áskerine shabýyldan keıin kontrerrorlyq áreket aıaýsyz bolatynyn málim etti.
