Túrkııanyń Antalııa qalasynda fýtboldan Sheshenstannyń Tuńǵysh Prezıdenti A. Qadyrovtyń kýbogy úshin halyqaralyq týrnırdiń toptyq syndary aıaqtaldy
ALMATY. 2 aqpan. QazAqparat /Erlik Erjanuly/ - Keshe Túrkııanyń Antalııa qalasynda fýtboldan Sheshen Respýblıkasynyń Tuńǵysh Prezıdenti Ahmat Qadyrovtyń kýbogy úshin ótip jatqan halyqaralyq týrnırdiń toptyq syndary aıaqtaldy.
Groznyıdyń «Terek», Býharestiń «Rapıd», Daýgavpılstiń «Daýgava» aıaqdopshylarymen birge «A» tobynda óner kórsetken Shymkenttiń «Ordabasy» klýby irikteý synynan óte almady. Erteń endi «A» jáne «B» toby jeńimpazdary bolǵan Rýmynııanyń «Rapıd» pen Ýkraınanyń «Metallıst» (Harkov) komandalary aqtyq saıysta kýbog ıegerin anyqtaıdy. Al ekinshi oryn alǵan «Terek» pen «Neftchı» (Baký) qola júldeni sarapqa salady. Bıyl tuńǵysh ret uıymdastyrylǵan bul baıraqty báseke 27 qaqtarda bastalǵan bolatyn. Oǵan joǵaryda atalǵandardan basqa Tashkenttiń «Pahtakor» men Varshavanyń «Polonııa» komandalary da qatysqan edi.
