Túrkııanyń Ahlat qalasynda Qazaqstan Qurmetti konsýldyǵy ashyldy
Qurmetti konsýldyqtyń ashylýyna Bıtlıs provıntsııasynyń gýbernatory, depýtattar, qala men aýdan merleri, provıntsııanyń aldyńǵy qatarly ókilderi jáne buqaralyq aqparat quraldary qatysty.
Ókildiktiń tusaýkeser saltanatynda Elshi Abzal Saparbekuly búgingi erekshe is-shara baýyrlas elder Qazaqstan men Túrkııa arasyndaǵy dıplomatııalyq qarym-qatynastyń mereıli 30 jyldyǵy qarsańynda ótip jatqanyn atap ótti. Sondaı-aq strategııalyq ári senimdi nysanda qalyptasqan ekijaqty yntymaqtastyqqa nazar aýdardy. Osy rette, tarıhı mańyzy bar Ahlat qalasynda Qurmetti konsýldyqtyń ashylýy eki eldiń rýhanı-mádenı, ekonomıkalyq qarym-qatynastarynyń damýyna oń septigin tıgizetinine senim bildirdi.
Bıtlıs provıntsııasynyń gýbernatory Oktaı Chagataı óz sózinde is-sharanyń ereksheligin, ıaǵnı Qazaqstannyń Qurmetti konsýldyǵy osy aımaqta tuńǵysh sheteldik ókildik bolyp sanalatynyn jetkizip, bul qadam Qazaqstan men Túrkııa arasyndaǵy yntymaqtastyqty odan ári nyǵaıtýǵa úles qosatynyn aıtty.
Qurmetti konsýl Mýaz Ergezen eki eldiń prezıdentteriniń quptaýymen joǵary laýazymǵa laıyq dep tanyǵandyǵy úshin sheksiz rızashylyǵyn bildirip, ekijaqty baılanystardyń damýyna óz úlesin qosatynyn atap ótti.
Aıta keteıik, búgingi kúni Qazaqstannyń Túrkııada segiz Qurmetti konsýldyǵy bar. Olardyń okrýgtary retinde Alanıa, Konıa, Mersın, Býrsa, Kodjaelı, Hataı, Denızlı jáne Bıtlıs provıntsııalary dep belgilengen. Aldaǵy ýaqytta Hataı, Konıa jáne Denızlıde QR Qurmetti konsýldyqtary ashylatyny josparlanǵan.
