Túrkııanyń 31 provıntsııasynda komendanttyq saǵat engizildi

ANKARA. ANADOLY – QazAqparat – Túrkııa bıligi koronavırýstyń jańa túriniń taralýyn boldyrmaý sharalary aıasynda 31 provıntsııada komendanttyq saǵat engizdi, dep habarlaıdy QazAqparat Anadoly agenttigine silteme jasap.

Úıden shyǵýǵa 48 saǵatqa salynǵan tyıym 11 sáýirde túnde kúshine enedi jáne 13 sáýirde 00:00-ge deıin qoldanylady.

Shekteý sharalary el astanasy Ankarada jáne Túrkııanyń iri megapolısi Ystanbuldy da qamtıdy.

Provıntsııanyń gýbernatorlaryna tıisti ókimhat jiberildi.

Juma kúni Túrkııanyń Densaýlyq saqtaý mınıstrligi koronavırýs ınfektsııasynan taǵy 98 adamnyń qaıtys bolǵanyn rastady. Elde pandemııa qurbandarynyń jalpy sany 1006 adamǵa jetti.