Túrkııanyń tsıtrýs jemisteri eksporty jarty jylda 911 mln dollardan asty

Jerorta teńizi eksporttaýshylar odaqtarynyń málimetinshe, qańtar–maýsym aılarynda shetelge 807 myń 114 tonna tsıtrýs jemisi jóneltilgen.

Salystyrmaly túrde alǵanda, ótken jyldyń sáıkes kezeńinde bul kórsetkish 518 mln 768 myń dollardy qurasa, bıyl eksport kólemi aıtarlyqtaı ósip, 911 mln 35 myń dollarǵa jetti.

Eksport qurylymynda eń úlken úlesti mandarın ıelendi – 532 mln 309 myń dollar. Odan keıin lımon – 213 mln 383 myń dollar, apelsın – 110 mln 430 myń dollar, greıpfrýt – 54 mln 659 myń dollar jáne basqa da tsıtrýs túrleri keledi.

Túrik tsıtrýs jemisteriniń negizgi ımporttaýshylary qatarynda Irak, Reseı, Ýkraına, Polsha jáne Rýmynııa bar.

Atalǵan kezeńde Irakqa 357 mln 289 myń dollardyń, Reseıge 235 mln 615 myń dollardyń, Ýkraınaǵa 47 mln 288 myń dollardyń, Polshaǵa 41 mln 203 myń dollardyń, al Rýmynııaǵa 36 mln 265 myń dollardyń ónimi eksporttalǵan.

Túrkııa Ulttyq tsıtrýs keńesi tóraǵasynyń orynbasary Kemal Kachmazdyń aıtýynsha, tsıtrýs jemisterin satý eldiń jańa pisken kókónis pen jemis-jıdek eksportyndaǵy strategııalyq baǵyttardyń biri sanalady.

Onyń sózinshe, túrik tsıtrýs ónimderi joǵary sapasy, óndiris standarttary jáne qaptamasynyń arqasynda álemdik naryqta úlken suranysqa ıe.

Kemal Kachmaz jańa maýsym qyrkúıek–qazan aılarynda bastalatynyn aıtyp, bıyl ónim kólemi artady degen úmit bildirdi. Eger aptap ystyq pen ózge de tabıǵı apattar bolmasa, mol ónim jınalady dep kútilýde.

Sondaı-aq ol Túrkııanyń ósimdikterdi bıologııalyq qorǵaý tásilderine kóshýiniń nátıjesinde pestıtsıd qaldyqtaryna qatysty máseleler sheshilgenin atap ótti. Onyń pikirinshe, bul faktor tsıtrýs eksportynyń odan ári ósýine oń áser etedi.

Aıta ketelik Majarstanda jemis tapshylyǵy: baǵa ósip, ımport artýy múmkin.