Túrkııanyń teńiz jaǵalaýy aımaǵynda adamdar uzaǵyraq ómir súredi

ASTANA. KAZINFORM – Túrkııa statıstıka ınstıtýty (TÜİK) provıntsııalar boıynsha ómir súrý uzaqtyǵy týraly derekterdi jarııalady. Onyń qorytyndysy ekologııalyq jáne turmystyq jaǵdaılar uzaq ómir súrýde mańyzdy ról atqaratynyn taǵy rastaıdy, dep habarlaıdy Kazinform menshikti tilshisi.

Tizimdegi kóshbasshy «ondyqqa» negizinen Egeı jáne Qara teńiz jaǵalaýyndaǵy aımaqtar kirgen, olar taza aýa, jumsaq klımat jáne tynysh ómir súrýmen sıpattalady.

Statıstıkaǵa sáıkes, eń joǵary ómir súrý uzaqtyǵy Gıýmıýshhane provıntsııasynda 80,8 jaspen tirkelgen. Odan keıin Mýgla (80,7), Týndjelı (80,3), Trabzon (80,3), Gıresýn (80,0), Ordý (80,0), Rıze (79,4), Erzındjan (79,6), Artvın (79,7) jáne Antalıa (79,7) tur.

Túrkııadaǵy ortasha ómir súrý uzaqtyǵy 78,3 jyldy quraıdy. Bul aıyrmashylyq aýanyń lastaný deńgeıi, tabıǵı resýrstarǵa qoljetimdilik, tamaqtaný jáne ómir salty ádetteri jáne áleýmettik kúızelis deńgeıine baılanysty.

TÜIK zertteýleri qorshaǵan orta men ómir súrý jaǵdaılary densaýlyq pen ómir súrý uzaqtyǵyna tikeleı áser etetinin kórsetedi.

Tabıǵı yrǵaq pen ekologııalyq tepe-teńdik saqtalyp qalǵan aımaqtar turǵyndaryna uzaq ta tolyqqandy ómir súrýge eń jaqsy múmkindikterdi usynýdy jalǵastyryp otyr.

Osyǵan deıin Túrkııanyń soltústigindegi Amasıa qalasynda eldiń tiri shejiresine aınalǵan Aıshe Nıne ómirden ótkenin jazǵan edik. Týystarynyń aıtýynsha, ol 127 jasta bolǵan.