Túrkııanyń soltústik-batysynda jol apatynan 37 adam zardap shekti

ASTANA. KAZINFORM — Dúısenbi kúni Túrkııanyń soltústik-batysyndaǵy Chanakkale provıntsııasynda Grekııadan kele jatqan týrıstik avtobýs joldan shyǵyp ketip, 37 jolaýshy jaraqat aldy, dep jazady Sınhýa.

Oqys oqıǵa jergilikti ýaqyt boıynsha tańǵy saǵat 06:00–de boldy. Túrkııanyń batysyndaǵy Izmır porttyq qalasyna baǵyt alǵan avtobýs júrgizýshisi rólge ıe bola almaı qalǵan. Avtobýsta 42 jolaýshy bolǵan kórinedi.

Qoǵamdyq kólik joldan shyǵyp ketip, aǵashqa soǵylyp, toqtaǵan, dep habarlaıdy agenttik.

Oqıǵa ornyna medıtsına qyzmetkerleri men izdeý-qutqarý toptary jóneltildi. Aldyn ala málimet boıynsha, zardap shekken úsh adamnyń jaǵdaıy aýyr.

Qazir oqıǵaǵa qatysty tergeý bastaldy.

Budan buryn habarlanǵandaı, Túrkııada kontrafaktili ishimdikten 59 adam kóz jumdy.