Túrkııanyń Sıvas qalasyndaǵy qonaqúılerdiń birinde jarylys boldy

ASTANA. KAZINFORM – Sıvas provıntsııasyndaǵy Iyldyz taýynda ornalasqan qonaqúıde kúshti jarylys bolyp, birneshe adam zardap shekti.

Tótenshe jaǵdaı kenetten bolyp, tórt adam zardap shekti, olardyń bireýi aýyr halde.

Jarylys qonaqtardyń kópshiligi óz bólmelerinde bolǵan kezde oryn alǵan. Ǵımarat búlingen, terezeler men jıhazdar synǵan.

Jarylys bolǵan soń birden oqıǵa ornyna órt sóndirýshiler, qutqarýshylar men jedel járdem brıgadalary jetti. Zardap shekkender tez arada jaqyn mańdaǵy aýrýhanalarǵa jetkizilip, olarǵa qajetti medıtsınalyq kómek kórsetildi.

Aldyn ala boljam boıynsha, jarylysqa turmystyq gazdyń shyǵýy sebep bolǵan. Ýákiletti organdar oqıǵanyń naqty mán-jaıyn jáne ǵımaratty gazben jabdyqtaý júıesindegi yqtımal buzýshylyqtardy anyqtaý úshin tekserý jumystaryn bastap jibergen.

Buǵan deıin Túrkııanyń Bolý provıntsııasyndaǵy Kartalkaıa taý-shańǵysy kýrortynda bolǵan órtten qaza tapqandar sany 66-ǵa, jaralanǵandar sany 51-ge jetkenin jazǵan edik.