Túrkııanyń Osmanıe qalasynda sel júrip, eki adam kóz jumdy
ASTANA. KAZINFORM — Túrkııanyń Osmanıe provıntsııasynyń birneshe aımaǵynda tolassyz jaýǵan jaýyn saldarynan sel júrip, eki adam mert boldy, dep jazdy AZERTADJ.
Anomaldy jaýyn-shashyn saldarynan Savrýn ózeni arnasynan asyp, Kadırlı aýdany aımaǵynyń bir bóligin sý basty. Saldarynan mundaǵy birneshe kópir men ǵımarat qırady.
Sýmen birge avtokólikter aǵyp ketti. Bir kóliktiń ishinde bolǵan eki er adam kóz jumdy.
Jaqyn mańdaǵy provıntsııalardan qutqarýshylar apat aımaǵyna jiberildi.
Aıta keteıik, Daǵystandaǵy sý tasqyny saldarynan eki myńnan astam úı sý astynda qaldy. Bul eldegi tasqyn sý 6 adamnyń ómirin qıdy, 200-den astam adam qutqaryldy. Zardap shekkenderdiń jalpy sany 6 200-den asty.
